ماحزنت على حيوان كثر ... !؟

لرؤيه الصوره بحجمها الطبيعي

http://www.openiu.com/upload/070717/1543411366469d1c4422324.gif

وصلتني الصوره عالايميل حبيتكم تشاركوني فيها

.

.

صحيح ربي ماعطى هالحيوانات عقل وتفكير

بس عطاها إحساس ومشاعر

شوفوا نظرة الأم والحزن بعيونها

.

.

يا الله

!!!!يا رجل

بيوم من الايام كنت متهاوشه مع اخوي الكبير

او بمعنى اصح .. كان فيه سوء تفاهم بيني وبينه

(والبلى ان السبب في هذا هو (ريموت التلفزيون وكنبه الامير اللي مواجهه للتلفزيون على طول

كنت جالسه اتفرج شي مصيري ومتحمسه معاه

جاني اخوي (الرجل) وبكل بساطه اخذ من يدي الريموت وقال قوومي

المشكله انه مايحلى له يتفرج الا على كنبه الامير اللي انا قاعده عليها

مانتبهت لحركته في البدايه لاني متحمسه زي ماقلت لكم

قلت لحظه لحظه شوي وبيخلص تكفى

قال يابنت الحلال قومي ينعاد هذا خمسين مره .. ولااقولك روحي التلفزيون تحت وطالعيه

وقتها وصلني ارسال اللي قاعد يصير

قمت اناظر وقلت .. احترمني شوي شدعوه خدامه عندك تسحب مني الريموت وتقول قومي

وبعدين عندك تلفزيونك بالغرفه .. حبكت الحين تقعد بالصاله

قال .. لحووووول قومي ولايكثر والله مالي خلق اتهاوش

للاسف احترامي له يفوق اني اتكلم بلحظه قهر .. واللي ماضمن فيها ان يكون كلامي خالي من التجريح

.

.

بسرعه رحت غرفتي و مسكت جوالي وانسدحت عالسرير وانا مقهوووره وكتبت هالسطور القليله

ونمت وانا زعلانه :(

-----

الرجال قوامون دايما علينا

لدرجه تضايقنا وتقهرنا

وتخلينا ننام واحنا بهالحاله

ليه كل شي يبغاه الرجال يحصله؟

ليه مانقدر نقول لا؟

ليه مايهون علينا نجرح كبرياء الرجل بذاته وبنفس الوقت تهون علينا انفسنا باننا ننام والدمعه بعيوننا من القهر؟

ليه الرجل عديم احساس واحنا نملك كل الحساسيه من ابسط الاشياء؟

.

.

كنت اقدر ارد لك حقك يا أنا .. بس هذا الرجل يهمني

يمكن مايهمني كثر ما انتي تهميني .. بس انا اعرفك .. انتي متسامحه بسرعه بتنسين

أما الرجل عموما اصعب مايمر عليه.. انه يتلقى كلمه تهينه من انثى

-----

لين هنا ووقف التعبير عندي

(ولجأت لحفرة نسياني (النوم

!!!!!!!

بيـــن قريب و بعيد

خلق الله الناس اجناس واشكال

اطباع ,صفات ,عادات واساليب تعامل

منهم الهادئ ومنهم العصبي

منهم حسن المعشر ومنهم سئ المعشر

منهم المتسامح ومنهم العدواني

ومنهم منهم منهم .. !!!

لن استطيع حصر التناقضات التي يملكها الناس

ولكن يمكنني ان أؤكد لك

ان خلال اختلاطك ببعضهم ستجد من هم يطيب لك العيش كلما اقتربت بجانبهم

ومن هم من يضيّق عليك نطاق معيشتك عندما تصبح بقربهم

(فليس كل قريب (حبيب

(وليس كل بعيد (نبغضه

ولكن هناك من لاتستطيع ان تعيش وهم بجانبك

!!انت لا تكرههم

على العكس .. تحبهم ولا تستغني عن سماع صوتهم بين حين وآخر

ولكن .. كلما اصبحت لصيقا لهم

كلما زادت فوق راسك المشاكل

..هؤلاء الناس

هم في البعد أحلى

هم في البعد أغلى

هم في البعد أجمل

ولكن..احذر من ان تتخطى ذاك الخط الابيض الذي بينك وبينهم

حتى لايبدا راسك بالدوار

وعقلك بالشرود

واخلاقك بالانحدار

.

.

.

وفي الطرف الاخر من حياتك

تجد اشخاصا

تطيب لك دنياك كلما اقتربت منهم

تشعر بوحده , خوف عند ابتعادهم

لاتستطيع ان تكمل مشوارك بدونهم

تعودت نفسك على لقياهم مرات ومرات

لقاك معهم يسعد خاطرك ويفرح فؤادك

وكلما /قلت المسافه / بينكم كلما زاد الحب

هؤلاء .. طيبوا المعشر

لايسببوا لك الدوار والانحدار والشرود

بل يدخلوا لقلبك الصغير .. الحب والطمأنينه والرضى

.

.

.

فتش في حياتك عن هاذان الصنفان

حاول ان تبعد من يكون في بعده رائع

وحاول ان تقرب من تبدو الحياه في قربه امـــــان

.

وداعاً طفولتنــــا

http://l10l10.jeeran.com/photos/841070_l.jpg

احيانا تمر علينا مواقف .. نتمنى نرجع وقتها لاطفال صغااااار

البراءه تملى قلوبنا

نتكلم باي شي يجي بخاطرنا ومانحاسب اذا كان صح ولا غلط

ماتهمنا عيون الناس ولا كلامهم ولاتعليقاتهم

نسوي اللي يريحنا وبس

اذا مرت علينا شغله تضحك .. نضحك من قللللللللللللللب

كأن قلبك يضحك قبل شفاتك

مافي هموم تمنع من قلبك من انه يضحك معاك

واذا زعلنا ولا تضايقنا .. صوت بكانا يهز البيت كللله

نبكي من قلب

نبكي بصوت عااالي .. اهم شي نفرج عن ضيقتنا بهالبكى

ومايهمنا احددددد

.

.

وش كثر الطفوله حلوه

احنا يالشيبان فقدناها ومابقى بقلوبنا الا شي قليل يستحي يطلع

وحتى اطفالنا الحين فقدوها

راحت الطفوله للابد

ولد الخمس سنين مايحمل من البراءه شي

وبنت السبع سنين تفكيرها نفس تفكير ام 20 سنه

.

.

فعلا

وداعا طفولتنا

ووداعا طفولتهم

!!!!!!ووداعا يا (طفوله) للابد

رمضــــان

أنقضى شهرنا الغالي

بـ سرعه و خفه

أ تراها غفله منا!؟

أم أن فعلاً .. أصبحت الشهور كالساعات بمضيها السريع!؟؟

ونحن نعيش في حالة عدم استيعاب - ان صح التعبير - لما يحدث حولنا!!!

.

.

رحــ ل

بعد أن تعايشت معه - ولاول مره- بالطريقه التي تحسسني بمعناه فعلا

رحــ ل

بعد ان احببته

وتعلقت بعاداته

.

.

لم اكن اعي معناه الحقيقي .. كان شهر للطعام وبرامج التلفاز

لا اكثر ولا اقل

كان تفكيرا يحمل من (التفاهه) الشي الكثير

ولكن .. بعد ما احببته

ذهب مسرعاً

لايجبر حزني برحيله سوى انني عشت فيه كما ينبغى لي فعلا ان أعيشه

.

.

والآن حل العيد

للاسف لم اجد حلاوته وفرحته

لم يتعدى شعوري به سوى بعض (قبلات العيد) التي اشعرتني بقليل وجوده

تمنيت أن اجد فرحته المعتاده

حتى لا اشعر ان كئابه العيد هذه السنه هي بسبب حزني على فراقك يارمضان

.

.

أسال الله أن يعيده علينا سنين مديده

وازمنه عديده

وعسى اعايدكم كلها أفراح ومسرات

((وكل عام وانتم بخير))

بداية مشوار

- حبيت يبدى مشواري بمناسبه معينه - (عيد الفطر) كل عام والجميع بخير .. والله يعيده عليكم بخير وصحه

عشان اذا مرت هالمناسبه كل سنه .. اتذكر ان بنفس هاليوم فتحت قلبي لكل شي نفسي اقوله

واللي اخيرا .. لقيت لها المكان اللي بيضمها كل العمر

حتى بعد فنائي من هالدنيا

بتظل أمنياتي .. أحلامي .. يومياتي .. مشاكلي .. ومواقفي مدونه هنا للابد

.

.

مشكلتي اني احب اكتب

بس مالقى المكان اللي يضم كل كتاباتي

يعني تلقون بعض اللي اكتبه على دفتر .. والدفتر يضيع بعد كم سنه .. ولا اخزنها بالجوال وبضغطه زر يروح كل شي .. ولا بمنتدى ومع الايام مدري وش يصير للموضوع يروح بعيد من كثر المواضيع او المنتدى نفسه يتسكر ويروح اللي كتبته

.

.

عشان كذا ان شاء الله يبقى كل اللي بخاطري

(هنـــــــا)