بيوم من الايام كنت متهاوشه مع اخوي الكبير
او بمعنى اصح .. كان فيه سوء تفاهم بيني وبينه
(والبلى ان السبب في هذا هو (ريموت التلفزيون وكنبه الامير اللي مواجهه للتلفزيون على طول
كنت جالسه اتفرج شي مصيري ومتحمسه معاه
جاني اخوي (الرجل) وبكل بساطه اخذ من يدي الريموت وقال قوومي
المشكله انه مايحلى له يتفرج الا على كنبه الامير اللي انا قاعده عليها
مانتبهت لحركته في البدايه لاني متحمسه زي ماقلت لكم
قلت لحظه لحظه شوي وبيخلص تكفى
قال يابنت الحلال قومي ينعاد هذا خمسين مره .. ولااقولك روحي التلفزيون تحت وطالعيه
وقتها وصلني ارسال اللي قاعد يصير
قمت اناظر وقلت .. احترمني شوي شدعوه خدامه عندك تسحب مني الريموت وتقول قومي
وبعدين عندك تلفزيونك بالغرفه .. حبكت الحين تقعد بالصاله
قال .. لحووووول قومي ولايكثر والله مالي خلق اتهاوش
للاسف احترامي له يفوق اني اتكلم بلحظه قهر .. واللي ماضمن فيها ان يكون كلامي خالي من التجريح
.
.
بسرعه رحت غرفتي و مسكت جوالي وانسدحت عالسرير وانا مقهوووره وكتبت هالسطور القليله
ونمت وانا زعلانه :(
-----
الرجال قوامون دايما علينا
لدرجه تضايقنا وتقهرنا
وتخلينا ننام واحنا بهالحاله
ليه كل شي يبغاه الرجال يحصله؟
ليه مانقدر نقول لا؟
ليه مايهون علينا نجرح كبرياء الرجل بذاته وبنفس الوقت تهون علينا انفسنا باننا ننام والدمعه بعيوننا من القهر؟
ليه الرجل عديم احساس واحنا نملك كل الحساسيه من ابسط الاشياء؟
.
.
كنت اقدر ارد لك حقك يا أنا .. بس هذا الرجل يهمني
يمكن مايهمني كثر ما انتي تهميني .. بس انا اعرفك .. انتي متسامحه بسرعه بتنسين
أما الرجل عموما اصعب مايمر عليه.. انه يتلقى كلمه تهينه من انثى
-----
لين هنا ووقف التعبير عندي
(ولجأت لحفرة نسياني (النوم
!!!!!!!
14 comments:
حلوة فضفضتك
ووحلو تعبيرك ووصفك
فعلا فيه رجال يعطون لنفسهم الحق انهم يسوون اشياء مو من حقهم لمجرد انهم رجال
شعور مؤلم ويزيد ألمه لمن يجي من شخص قريب
لاتنزلين دموعك ولاتنقهرين
كل مانقهرتي تذكري انك انثى وافتخري بهالشي وراح ترتاحين :)
أختكـ
ياقلبي ابتسم
تعرفين لو كنتي قلتي له اللي في قلبج راح تحسين بتأنيب الضمير..ويمكن ما تنامين طول الليل
هالتساؤلات دايم تكون على بالي وما ألقى لها جواب مقنع للأسف
فضفضة حلوة :)
يعتمد على تربية التفرقه عيني
:|
وعدم احترام الغير
ياقلبي ابتسم
.
.
يكفي كلامك الروعه ياعسل
لا خلا ولا عدم يالغلا :)
امل
.
.
من جد
اصعب شي انك تجرحين شخص قريب منك
مرورك الاحلى اختي .. تسلمين
ماصار كذا الرجــل
الا من معاملة المجمتع له " كالامير"!!!ـ
مششي حالك ياقلبوو حالك يمشي :D
دمتي بود
(F)
فيميل
.
.
فعلا التربيه ممكن لها دور
بس مهيب كل شي
يعني عندك اهلي ماربونا على كذا
واحد من اخواني متسلط والثاني روعه معنا
يعتمد على شخصيه الرجل نفسه
والمفاهيم الغلط اللي ياخذها من المجتمع عن قوامته !!!
.
.
تسلمين اختي عالمشاركه
نجوو
.
.
صادقه والله
خخخخخ اي والله مشي حالك
يمشي ويركض ويطامر بعد :D
جعلني ماخلا من هالمرور العسل
يووه مثلي :(
نفس تصرفي اذا ابوي او اخوي زعلوني وانا مظلومة من جد
قسم بالله احس بحرقة مو طبيعية
ابكي والغصة بحلقي تعورني من القهر من الالم من الظلم
الحمدلله مو لحالي ,, يمكن هذا عزاي المرات الجاية انه في غيري يعاني من نفس اللي اعانيه
الله يكون بعونك خيتو
أقول نحتاج بعض مما عندكن لما عندنا من طول لسان البنات بالكويت -طبعا لا أعمم
وبعض رجالاتكم تحتاج تعيش بالغرب قليلا ليعدل ميزانها في معاملة الزهريات
كلامك أشار شجون النقيض عندنا... الله يحفك
وانتي توصفين كنب الامير حسيت كأنك عايشه معنا.... انا بعد عندي نفس مشكلتك بس انتي اهون اقلها هو أخوك الكبير وبحكم سنه بتحترمينه حتى وان كان متعارض مع رغبتك بس وش رايك لو كان اصغر منك ويتفلسف ؟؟؟؟؟
هنا يطق فيك عرق وتنتابك نوبات جنون :(
وان جينا نتكلم عن القوامه ... ليش يشوفون ان القوامه تكون بمواقف ومواقف لا ؟؟؟
حال الدنيا غريب وكل ماحاولت ابلعه ولو بالعرض ما اقدر مو راضي ينبلع :(
بنت الروح
ياعمرررررررري لاتبكين ولا شي
اللي يقهرك مايستاهل تبكين عشانه
.
.
فضفضي بعدين طنشي وصدقيني بعدها بتنسييييييين
يابنت الحلال الله يعيينا على بني الرجال المتسلطين
نمشي اعمارنا معهم
:D
لاخلا ولاعدم يالغلا
باغي الشهاده
فعلا .. اصابعك يدك مو سوى
الله يهدي الجميع للخير
سلمت على هذا المرور الرائع
ريميه
يؤؤؤؤؤؤ
عاد هذا اللي يبيلك تلفين راسه بكف عشان يتعدل خخخخخخخخ
ماتحملنا الكبار
هالمره صغار يطول لسانهم
.
.
فعلا بعض الرجال يمشي القوامه زي مايبي
الله يكون بالعون
تسلمين ياقمر عالمرور الروعه
لا خلا ولاعدم
Post a Comment